قال استاذى حسين مخلوف عبدالله عن الثورة :ـ

شعر الاستاذ : حسين مخلوف عبد الله
شهرته : حسين عبدالمنعم عبد الله
شعر بعنوان : بلاش ندالـــــــة

لو هاتنكر معنى ثورة تبقى ندل
أصل ثورة يعنى كلمة بس كلمة حكم عدل
وفى بلدنا الثورة قامت
ولجموع الشعب قالت
أحنا فيكم والأكيد أن أحنا بيكم
للبشاعة والمرارة نحط حد
نمحى ظلم ونبنى مجد
مجد يدخل كل بيت
مش دموع ونقول ياريت
ع اللى حاصل وأحنا منه مرعوبين
ع اللى حاصل وأحنا منه سهدنين
شوف فلانه المليونيرة . شوف فلان المليونير
هو صح الوزير مش ذى عامل أو غفير
بس برضه باشوية وباكوية وناس غلابة وراس ماليه
حاجة فى الإحساس ياسادة. تغيظ ومش عايزة هوادة
لو هاتنكر معنى ثورة تبقى ندل
أصل ثورة يعنى كلمة بس كلمة حكم عدل
أصل ثورة يعنى تخدم .أصل ثورة يعنى تهدم
تهدم الظلم اللى حاصل. تهدم الجرم اللى واصل
والا هى عشان فلان مليون . وفلان مليون ونص
وأنت ساكن تحت خص. تعدى عاللحمة يدوبك تبص
أكسر الخوف المعشش جوه مخك فص فص
نفسى نمحى العيشة النص نص
ولاّ لازم نبقى خرس
نفسى أصرخ أصرخ أصرخ
أوعى حد يقولى هس
أوعى حد يقولى هس

الوادى الجديد ـ الخارجة