قضليا للمناقشة

بسم الله الرحمن الرحيم

اخوانى واخواتى الاعضاء سوف يخصص هذا القسم لوضع القضايا

المتعلقة بالقضايا الملحة ومناقشتها لفتح باب الحوار بيننا

ارجو ان تتفاعلوا مع القضايا

الموضوع الاول
هل فعلا أصبحت مدرسة نجيب محفوظ جاذبة للطالبات و لأولياء الأمور أم طاردة

انا كنت طالبة فى نجيب اتخرجت منها السنة دية بس
هى كويسة وجاذبة للطلبة بس بصراحة كدة
زى مفيها الحلو فيها الوحش
مثلا فيها مدرسين و مدرسات مش بتتفاعل مع الطالبات ككل
بتتفاعل مع شخصيات معينة من الطالبات
وعلى ما اعتقد يا استاذ سعد المدرسات تبقى قريبة من الطالبات اكتر من كدة
بس ميمنعش انة فى مدرسات كويسة وقريبة جدا من الطالبات
شكرا على القضايا الحلو دية يا استاذ سعد
مشكوووووووووووووووووووووووور

مدرسة نجيب محفوظ مدرسة جميلة والعاملين بها اشخاص محترمين جدا بس محتاجة شيء بسيط الناس تحب بعضها اكتر والكبار في المدرسة يحتوا الصغار بشكل افضل والصغار تحترم الكبار وكمان نقدر بعضنا مش اللي بيشتغل نطلع عينه واللي مش بيشتغل نكره ونسكت لا لازم نشتغل كلنا وكمان بدون انتظار شكر لان الحكومة بتشكرة بالمرتب اللي انت بتأخده كل شهر ده بالنسبة للعاملين بالمدرسة بين بعضهم اما بالنسبة للعاملين والطالبات ياريت نهتم اكتر بالطالبات ونحاول نحميهم من نفسهم لان في امهات كتير مش عندها الخبرة الكافية للحفاظ علي بنتها في هذه المرحلة الخطرة اعتقد ان احنا مش دورنا تعليم الموجود في الكتب وبس اعتقد كمان دورنا اننا نهيئ الطالبة للمجتمع الخارجي علشان في بنات بتتصدم ومش بتعرف تتعامل وفي بنات بتخسر حاجات كتير لعدم خبرتها وفي بنات لا تؤثر ولا تتأثر بالعالم الخارجي يعني العملية عندها واحد وفي بنات بتعرف تتعامل وتمشي حالها بدو ما تخسر اي شيء والنوعية من البنات دي بيكون الفضل لله سبحانه وتعالي وللمنزل لكن نادر ما نجد منزل واعي وفاهم تلك المرحلة التي تمر بها ابنتهم لان هناك من يعتقد ان البنت صغيرة فنترك الحبل علي الغارب ومنهم من يعتقد ان مثل اكسر للبنت ضلع يطلعلها 24 ضلع ده كلام خاطئ لان ده كده بيخليها تفقد ثقتها في نفسها وكده غلط لان المجتمع يحتاج انها تكون واثقة في نفسها علشان تقدر تحافظ علي نفسها علشان كده لازم نخلي بالنا مش نشوف الغلط ونسكت البنت اللي بنعلمها دلوقتي بكره وبعده هتعلم ابنك او بنتك او هتعالجه وا هتبني ليه او اي مجال اخر تخيل لو ساعدنا في اخراج جيل محترم شوف بقي هيعملوا ايه مع ابنك او بنتك
انا بعتذر لاني طولت عليكم اتمني ان يكون كلامي صحيح